• غادة عبدالرازق تشكف سبب وفاة مصطفى درويش
• غادة عبدالرازق تكشف تلقيها خبر وفاة مصطفى درويش

كشفت الفنانة المصرية غادة عبد الرازق خلال استضافتها في احدى الندوات الفنية عن سبب وفاة الفنان المصري مصطفى درويش قائلة: "ربنا يرحمه، مصطفى طلع في ناس كتيرة بتحبه، ومكتشفتش ده غير بعد ما مات، كان خاسس جداً في المسلسل وأنا سألته، والفترة اللي فاتت على طول كان بيروح الجيم، والموت بتاع ربنا، ومتهيألي الحاجات اللي بياخدوها في الجيم بتأثر".

وتابعت عبدالرازق: "المفروض بتتاخد لناس معينة يتحملوا الكمية، الممثل مش مطلوب منه ده، وبياخدوا الحاجات ديه بيعملوا جيم كتير اوي، وساعات عمل كتير طويلة، وقلة نوم وتفكير، ممكن فجأة يعمل هبوط في الدورة الدموية، وده خطر جداً".

اقرأ أيضاً هل تعود المياه إلى مجاريها بين محمد سامي وغادة عبدالرازق

وأضافت الفنانة غادة عبد الرازق في حديثها: "مقدرش أصوّر عدد ساعات طويلة، كنت ممكن أعمله وأنا صغيرة عندي 20 سنة، لكن دلوقتي عندي 52 سنة مقدرش، رحم الله امرأً عرف قدر نفسه".

غادة عبدالرازق تكشف تلقيها خبر وفاة مصطفى درويش

وحول تلقيها خبر وفاة الفنان مصطفى درويش في سنّ صغيرة، قالت الفنانة غادة عبد الرازق: "كان يوم مصيبة، أنا فاكرة اليوم ده وكنت بفطر وبفتح التليفون، وحد قاعد جنبي قالي مصطفى درويش مات، وفتحت التليفون عندي ملقتش حد منزّل، ودخلت على الأخبار لقيت صورته ومصدقتش".

وبينت الفنانة غادة عبد الرازق خلال الندوة أنها لا تمانع في تقديم سيرتها الذاتية في عمل فني، قائلة: "ممكن أقدّم فيلم وثائقي عن حياتي وهستعرض فيه كل جوانب حياتي... أنا حياتي كتاب مفتوح للناس كلها... الناس عرفت كل حاجة عني وعن بنتي وأحفادي وغلطاتي"، لافتة: "كنت زمان بتضايق من تدخل الناس في حياتي، لكن دلوقتي بعرف أرد وأقول أنت مالك؟".