• راندا البحيري تؤكد تعرضها لضغوط يصعب تحملها
• راندا البحيري:"اكتشفت مؤخرا بفرض ضرائب جزافية رغم عدم عملي بالتمثيل"

قالت الفنانة المصرية راندا البحيري إنها فقدت شغفها في العمل الفني، معلنة أنها في طريقها للاعتزال، بسبب محاربتها منذ 7 سنوات دون إبداء الأسباب.

اقرأ أيضاً : "لا طعم للحياة".. فنان مصري يستغيث ويطلب المساعدة

الفنانة المصرية وجهت نداء استغاثة عبر حسابها الخاص على موقع التواصل الاجتماعي على "فيسبوك" إلى نقيب المهن التمثيلية في مصر أشرف زكي ، بسبب محاربتها منذ سبع سنوات وعدم العمل بالوسط الفني إضافة إلى

الضرائب المفروضة عليها.

"ضغوط يصعب تحملها"

وكتبت راندا : "السيد نقيب المهن التمثيلية تحية طيبة وبعد.. هذا ليس بيان شجب ولا شكوى ولا أي شيء آخر.. كل ما في الأمر عرض موضوعي على حضراتكم، لقد حُوربت وتم منعي من العمل بدون إبداء أسباب وبالفعل بعد

أكثر من بروفة لأكثر من عمل وأكثر من محاولة لدخولي أعمال فنية بلاقي نفسي فجأة اتشالت منها ومش فيها والعمل بيكمل من غيري".

وأكدت البحيري تعرضها لضغوط يصعب تحملها، وتابعت: "الكلام ده بيحصل بالظبط بقاله أكتر من 7 سنوات وبيحاولوا فيه بقالهم أكتر من 13 سنة بمساعدة أحد الأشخاص خارج المجال الفني، وليس هذا صلب الموضوع أبدًا".

وزادت "أنا بتعرض بقالي 4 سنين دلوقتي لضغط لا يمكن لواحدة ست تقدر تتحمله لوحدها، أنا مشتكتش ولا خليت شكل الفن والفنانين وحش والتزمت الصمت وبقالي سنين بحاول أشتغل في مشاريع، وفيه منها اللي ربنا كرمني فيه

ومنها اللي علشان عدم خبرتي الكبيرة آنذاك اتنصب عليا".

ولفتت راندا البحيري أنها لم تتوان عن دفع الضرائب ، وأردفت: "كنت طول عمري شخص ماشي صح جدا فيما يخص الأوراق وحق الدولة وضرائبي كلها مدفوعة من 2004 يعني بقالي 20 سنة بدفع الضرائب، وأظن لو أنا

شخص مش ماشي صح مع الضرائب كان من زمان هتلاقي حد قال راندا مدفعتش أو معملتش أو كذا وكذا، ومحدش أصلًا يقدر يشكك في حبي لبلدي الشديد ووطنيتي وفي نزاهتي الحمد لله رب العالمين".

"ضرائب جزافية"

وأشارت راندا إلى أنه اكتشفت مؤخرا بفرض ضرائب "جزافية" رغم عدم عملها بالتمثيل، وقالت: "اكتشفت من فترة أنهم حاطين عليا ضرائب جزافية بالرغم من أني مبشتغلش في التمثيل أصلًا، وكل ما أكلم حد في المبنى بيقولي

أصل الممثلين كلهم حصل معاهم كده مش أنتِ بس، طب أنا بتكلم عن نفسي اتكلمت مرة واتنين، كلمت نقيبي أشرف زكي، وهو أداني نمرة تليفون المختصة عن الممثلين أمام الهيئة العامة للضرائب، بحيث إنها تفهمهم وقالي إن

الموضوع ده هيخلص لأن الممثلة دي حاليًا لا تعمل بالتمثيل، فمش هينفع إننا ندفعها فلوس قديمة هي أصلًا دفعتها قبل كده".

وأوضحت الفنانة المصرية: "فوجئت بعد ما المبلغ خلص أولًا بمبنى القيمة المضافة بيكلمني عايز يدفعني غرامة بالرغم من إنهم وعدوني مفيش غرامات.. والغرامة دي أكتر من المبلغ نفسه اللي بقسطه بقالي سنتين، ثم اتصال من

كذا مأمور ضرائب عامة طالبين مني فحص كل سنين العمل اللي اشتغلتها، أفحص 2006 اللي ورقها بقى لونه أصفر؟، وطالبين أني أدفع من 2006 لحد 2024 يعني 18 سنة ضرايب أنا دافعاهم أصلا قبل كده، قولتلهم أنا

دفعت ده، قالولي مينفعش، قولتلهم إيه هو اللي مينفعش؟، قالولي أصل إحنا واخدين تعليمات أن كل الممثلين يدفعوا أزيد من اللي دفعوه، قولتلهم التعليمات دي منين؟ محدش رد، قالولي كده كده هتدفعي حتى لو دفعتي قبل كده".

وبينت أنها جلست مع مسؤولين في الضرائب من أجل الوقوف على موضوعي، مؤكدة ان هناك من تعاطف معها، إلا "مختصة الحجز" كانت تهددها وتقول لها:"أنا هحجز عليكي".

مغادرة مصر

واختتمت راندا البحيري منشورها مطالبة بضرورة الوقوف على معاناتها، تحسبا من مغادرة مصر للبحث عن عمل، إذ كتبت:"بجد بجد والله ما بطلب شغل أنا أصلًا فقدت الشغف كممثلة ومش عايزه أشوف وش الكاميرا دي تاني،

أنا فعلًا كل اللي طالباه إنكم تسيبوني في حالي. بس مش أكتر. يا أسيادنا أنا عايزه أكمل حياتي في مصر مش عايزه أدور على شغل برا ولا عايزة أعيش في حتة تانية ليه مصممين تزقونا كلنا ندور على حياتنا في حتة تانية. أنا

قاعدة هنا".