• محيي إسماعيل:"أخدت حبوب مهدئة لفترة بعد وفاة زوجتي"محيي إسماعيل:"أنا حاليا متجوز ومراتي مصرية"

قال الفنان المصري محيي إسماعيل إنه عانى من الاكتئاب بعد وفاة زوجتي قبل ست سنوات، مشيرا إلى أنه كان يحبها كثيرا الأمر الذي أدى به إلى مروره بفترة عصيبة.

وأضاف محيي اسماعيل: "لما مراتي توفيت جالي اكتئاب، بعدها سافرت كندا قعدت ثلاثة شهور وبقيت كويس ورجعت، هناك جلست مع مثقفين وعلماء وكنت أذهب للمسرح والسينما لكي أخرج من حالة الاكتئاب".

محيي إسماعيل:"عادل إمام عنده كاريزما"

وتابع: "أي واحد في العالم لو قعد لوحده فترة طويلة سيصاب بالجنون، أنا أخدت حبوب مهدئة لفترة بعد وفاة زوجتي"، مؤكداً: "أنا حالياً متجوز، ومراتي مصرية وبقى لي أربع سنين متجوزها، واللي يجمعنا مسألة رحمة وارتباط لكن مفيش خلاف، هي قاعدة في

بيتها لأنها تعبانة شوية وأنا قاعد في بيتي، ومش منفصلين، أبناؤها مش مني بيراعوها وبيهتموا بيها لأنها بحاجة الى رعاية طبية".

وأثار محيي إسماعيل موضوع "جان السينما"، حيث قال: "الشاب الوسيم مش هو اللي تعشقه الناس والستات بدليل إن عادل إمام شكله مش حلو لكن الأهم الجاذبية والحضور والكاريزما".

وتابع: "عادل إمام عنده كاريزما وإلا ما كانش عمل الجماهيرية الكبيرة دي، لكنه مش جان، المدلول الحقيقي للجان هو حسين صدقي وكمال الشناوي، والمقاييس ما بقيتش زي الأول وطلعت حاجات جديدة كسرت القواعد".

واختتم محيي إسماعيل بالقول: "عبد الحليم حافظ ما كانش حلو، لكن صوته والكاريزما والجاذبية بتاعته هي اللي صنعت جماهيريته وشعبيته وحب الناس له".