• تامر حسني:"قد إيه ده فيديو عظيم.. كلنا لما بنفكر ناخد خطوة للأمام أو خطوة جديدة للنجاح"
• تامر حسني:"الماضي عدّى خلاص.. ومحدّش يقدر يمشي لقدام وهو باصص وراه"

شارك الفنان المصري تامر حسني عبر حسابه الرسمي على موقع "انستغرام" فيديو من فيلم رسوم متحركة، يتناول فكرة مواجهة المستحيل، موجّهًا من خلاله رسالة تحفيزية للشباب لتشجيعهم على الإيمان بقدراتهم، مؤكدًا أن الثقة بالنفس والشعور بالدعم تمنح الإنسان القدرة على تحقيق ما يبدو بعيد المنال.

اقرأ أيضاً : بعد "حادث الضبعة".. تامر حسني يطالب بالكشف الطبي لسائقي النقل

وعلق تامر حسني على الفيديو قائلاً: "قد إيه ده فيديو عظيم، كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضر لها صح مع الناس الصح في التوقيت الصح، هيبقى فاضل أهم حاجة وهي إيمانك بالخطوة وحبّك وشغفك الخارق ليه".

"الماضي عدا خلاص"

وأوضح أن المشهد الذي يظهر فيه الطفل وكأنه يمشي في الهواء يرمز إلى الأحلام المستحيلة التي يمكن تحقيقها بالثقة بالنفس، وليس المشي على الهواء بمعناه الحرفي.

وتابع حسني حديثه محذرًا من الانشغال بالماضي، قائلًا:"الأهم إن في ناس كتير تفكيرها في الماضي بيعطلها، على طول بتبص وراها، وآديكم شوفتوا لما الولد بص وراه وقع. الماضي عدّى خلاص، ومحدّش يقدر يمشي لقدام وهو باصص وراه، لازم يقع أو يخبط في حاجة تعطلّه".

"الحاضر هو المفتاح الحقيقي"

وأكد أن الحاضر هو مفتاح النجاح الحقيقي، مضيفًا: "ركّز في الحاضر عشان ده بس اللي ملكك، وهو ده الوقت اللي لو حبيته هيحبك ويقف معاك ويساعدك تجري بأسرع ما يمكن... حب حاضرك رغم أي مشاكل فيه واتحدى صعوباته. خد حالاً أحلى قرار ينجحك، محدّش هينفعك غير مجهودك وسعيك

ومتبصش وراك أرجوك... نهاركم كله خير."

الفيديو والتعليقات المصاحبة له لاقيا تفاعلًا واسعًا من متابعي حسني، حيث أشاد الجمهور برسالة الأمل والتحفيز التي قدمها، معتبرين أن رسالته تصلح لأن تكون مصدر إلهام لكل من يسعى لتحقيق أحلامه رغم التحديات.