• مسلم يؤكد أن سبب الانفصال كان عدم احترام زوجته له خلال فترة مرضه وغيابه
• مسلم:"أهلي مكنوش جنبي زيادة عن اللزوم"

كشف مغنّي المهرجانات مسلم تفاصيل مثيرة حول طلاقه من زوجته يارا تامر بعد مرور أربعة أشهر فقط على زواجهما، الأمر عبر البث المباشر على حسابه الرسمي على "إنستغرام"، مؤكدًا أن سبب الانفصال كان عدم احترام زوجته له خلال فترة مرضه وغيابه، ما صدم مابعيه.

اقرأ أيضاً : "مش مسامح أمي".. مسلم ينفصل عن زوجته

وقال مسلم في تصريحاته: "ده تأكيد للناس إللي طلعت وقالت إني مطلّقتش. طلاقي ملهوش علاقة بأهلي أو أي حد تاني. أنا طلّقت مراتي لأنها ما احترمتنيش في غيابي وفي تعبي. طلعت اتكلمت في حاجات أنا قولت لها متتكلميش فيها. أنا طول عمري ترند، وفرحي كان ترند، والناس متعاطفة مع يارا من أول المشاكل".

مسلم يثني على يارا ويهاجم أسرته

وعلى الرغم من طلاقه، أشاد مسلم بزوجته السابقة وقال إنها كانت شخصية محترمة وقدمت له الكثير: "يارا كانت محترمة جدًا معايا، وما قصّرتش في حاجة. كانت إنسانة على أكمل وجه، خدماني في كل شيء وساعدتني في حياتي الشخصية."

"أهلي مكنوش جنبي زيادة عن اللزوم"

لكنّه شدّد على أن عائلته لم تكن داعمة، موضحًا: "أهلي مكنوش جنبي زيادة عن اللزوم، ولا كانوا حنّين عليَّ. أنا عشت 15 سنة بعيد عن البيت، عشان إخواتي كانوا يضربوني ويقللوا منّي. أمي ما كانتش تقدر تتكلم لأن أبوي كان ميت."

وتابع مسلم حديثه عن الضغوط العائلية واستغلال أشقائه له ماليًا: "أنا تعبت كتير عشان أصل للنجاح، وهمه ما شفوش مني إلا الفلوس. إخواتي كانوا يطلبوا نص الفلوس اللي بشتغل بيها، وأي مشروع أعمله ياخدوا أصحابهم ويبقوا عايزين كل حاجة ببلاش. ده غير الفضائح اللي بيعملوها ليّ."

الزواج المبكر لحماية النفس من الأخطاء

وعن حياته الزوجية السابقة، أكد مسلم أنه تزوج في سنّ مبكرة لحماية نفسه من الأخطاء، لكن تدخل أسرته كان سببًا مباشرًا في كل طلاقاته: "اتجوزت بدري عشان أمنع نفسي من الغلط، وهمه السبب في كل طلاقاتي. كنت بحط فلوس لأهلي بعد كل أوردر عشان أوزع عليهم، لكن وصلوا إنهم عايزين يقعدوا في نفس البيت

اللي فيه مراتي ورجالة وستات، وكمان مش عايزينها تتكلم".